Rótarýklúbbur Reykjavíkur

Klúbburinn 9813 - Rótarýumdæmið á Íslandi - Stofnnúmer Fyrstu tilraunir til stofnunar rótarýklúbbs á Íslandi voru gerðar á árunum 1920 eða 1921 og voru þær tilraunir á vegum Rótarýklúbbs Hull í Englandi.  Voru tilmæli þar um borin upp við Ásgrím Sigfússon, útgerðarmann í Hafnarfirði.  Hann taldi ýmis tormerki á því að áhugi væri á slíkum klúbbi í Hafnarfirði og þessar hugmyndir náðu aldrei lengra. 

Ekkert gerðist í þessum málum fyrr en seint á árinu 1933 eða snemma á árinu 1924, þegar Ludvig Storr, sem þá var danskur ræðismaður í Reykjavík, fékk fyrirspurn frá Rótarýklúbbi Kaupmannahafnar um möguleika á stofnun rótarýklúbbs á Íslandi.  Til að skoða þetta nánar var fenginn Knud Zimsen, sem hafði hætt borgarstjórastörfum í árslok 1932.  Var hann í fyrstu nokkuð tregur til að taka þetta að sér, en með góðri aðstoð sérstaklega frá K. Mikkelsen lyfsala, sem var meðlimur í Rótarýklúbbi Kaupmannahafnar var skipuð undirbúningsnefnd, sem boðaði um 30 einstaklinga á fund til að ræða frekar stofnun Rótarýklúbbs Reykjavíkur.  Á fundinn kom K. Mikkelsen við og þrír aðrir félagar með honum og kynntu starfsemi Rótarý fyrir veislugestum.  Meirihluti fundarmanna var hlynntur stofnun á klúbbi hér og þann 13.september 1934 var efnt til stofnfundar Rótarýklúbbs Reykjavíkur.  Á fundinum voru 20 stofnfélagar, en auk þess voru taldir til stofnfélaga 4 aðrir félagar, sem höfðu samþykkt stofnun, en gátu ekki setið stofnfundinn.

Fyrsta stjórn Rótarýklúbbs Reykjavíkur var þannig skipuð:

Forseti:  Knud Zimsen
Varaforseti:  Hallgrímur Benediktsson
Ritari:  Benedikt Gröndal
Gjaldkeri:  Ludvig Storr
Stallari:  Ragnar Blöndal

Samþykkt var að fundað skyldi á hverjum miðvikudegi klukkan 12:30 og fyrsti fundarstaður klúbbsins var í Oddfellowhúsinu í Reykjavík.  Þessi fundartími hefur haldist nokkuð vel, en fundarstaðir hafa verið nokkrir í gengum tíðina.

Meðlimir

Virkir félagar	113
- Karlar	76
- Konur	37
Paul Harris félagi	31
Klúbbgestir	0
Heiðursfélagar	3
Aðrir tengiliðir	3

Heimilisfang

Hótel Natúra

Nauthólsvegur 52
102 Reykjavík
Ísland